ស្វែងយល់ពីការបង្កើតផ្ទៃការងារ និង​ការរក្សាទុកឯកសារ

នៅ​ក្នុង​ប្រកាស​នេះ ហេបភីហ្វូតូស្សប​នឹង​ធ្វើ​ការ​ពន្យល់​ពី​ការ​បង្កើត​ផ្ទៃការងារ​ និង​របៀបរក្សាទុកឯកសារ​​របស់​អ្នក​នៅពេលបញ្ចប់​ការងារ​រចនា​របស់អ្នក​។
១.ស្វែងយល់ពីការបង្កើតផ្ទៃការងារថ្មី
នៅក្នុង Photoshop ការបង្កើតផ្ទៃការងារថ្មី ដែលគេថា New Windows គឺជាកិច្ចដំបូងបំផុត​ដែល​យើង​ត្រូវ​តែ​ធ្វើ​មុន​នឹងចាប់ផ្តើម​ការ​ងារ​។
*ចុចលើរូបដើម្បីមើលក្នុងគុណភាពខ្ពស់

២.ស្វែងយល់ពីការរក្សាឯកសារ
ក្រោយពីបញ្ចប់កិច្ចការរបស់យើង ជាពេលដែលយើងត្រូវរក្សាទុកឯកសារ។ ប្រភេទ​ឯកសារ​នៅក្នុង​ Photoshop បានបែងចែក​ជា​២ធំៗ​គឺ​ ឯកសារកែបាន​ និង ឯកសារសម្រេច។
+ឯកសារកែបាន គឺមានតែមួយប៉ុណ្ណោះគឺ (.psd,.pdd) គឺជាឯកសាររបស់ហ្វូតូស្សបដែលអាចឲ្យយើងបើកកែប្រែតាមកម្មវិធី​ Photoshop បាន។
+ឯកសារសម្រេចគឺជាប្រភេទឯកសារដែលមិនអនុញ្ញាតឲ្យយើងកែវិញបានឡើយគឺបានន័យថា​វាសម្លាប់ Layer។ Happy Photoshop សូមលើឯកសារ​សម្រេចមួយចំនួនប៉ុណ្ណោះមកបង្ហាញ ក្នុងនោះរូមមាន​៖
– JPEG ប្រើសម្រាប់ការរក្សារូបភាពជាពិសេសសម្រាប់ការបោះពុម្ភ និងផ្តិតរូបធំៗ។
-PNG ជាឯកសារការរក្សាទុកមិនបង្ហាញ​Background  បើយើងដាក់ Background ជា Transparent ។ វា​ល្អសម្រាប់​ការដាក់​ Logo នៅលើ​វិឌីអូ និង កម្មវិធី​បង្កើត​ Icon (.ico)។
– GIF ជាប្រភេទឯកសារពិសេសសម្រាប់ការបង្កើតរូបភាពមានចលនា៕
ដើម្បីរក្សាទុកឯកសាររបស់អ្នកសូមចូលទៅកាន់ File -> Save /Save as (ប្រសិន​ជាយើងចង់រក្សានៅកន្លែងផ្សេង) -> ដាក់ឈ្មោះឯកសារ -> រើសប្រភេទឯកសារ -> Save ។

កម្សាន្ត៖ PhotoBoomb Tool (Tools មិនគួរឲ្យជឿ) :D

នៅចុងសប្តាហ៏នេះ Happy Photoshop ពុំ​មាន​ប្រកាស​ថ្មី​ដែល​ត្រូវ​ចេញផ្សាយ​ទេ​ មាន​តែ​វិឌីអូ​កម្សាន្ត​មួយនេះ​តែ​ប៉ុណ្ណោះ​។ តើ​អ្នក​ជឿរទេ​ថា Tool មួយនេះ​ពិតជា​មាន​? បើ​មានមែន​ Happy Photoshop និងអេជាមិនខាន​ 😀 ។

កែរូបភាពតាម Befunky.com(Online)

                 ជា​បឋម​សូម​អភ័យ​ទោស​ដោយ​ការ​អវត្តមានរបស់​ប្លុកហេបភីហ្វូតូស្សបរយៈពេលយ៉ាងយូរ ដោយកត្តាជាប់រវល់ក្នុងការសិក្សា និង មានការងារផ្ទាល់ខ្លួនមួយចំនួនត្រូវដោះស្រាយ។ តើមិត្តទាំងអស់គ្នាសុខទុក្ខយ៉ាងណាដែរ? ខ្ញុំសង្ឃឹមថាមិត្តទាំងអស់គ្នាពិតជាសុខសប្បាយ ហើយមើលទៅ។ ថ្ងៃនេះហេបភីហ្វូតូស្សបមិនបានបង្ហាញពីគន្លឹះនៃការប្រើប្រាប់ Photoshop ឡើយ តែចង់បង្ហាញមិត្តអ្នកអានទាំងអស់គ្នា
ឲ្យស្គាល់គេហទំព័រមួយដែលអនុញ្ញាតិឲ្យមិត្តអ្នកអានអាចកែច្នៃរួបភាពតាមចិត្តទោះមិត្តអ្នកអានពុំមានជំនាញខាងកែប្រែរូបភាពក៏ដោយ នោះគឺគេហទំព័រ befunky.com  ដែលផ្តល់ឲ្យមិត្តអ្នកអានអាចកែប្រែរួបភាពតាមរយៈកម្មវិធី រុករកអ៊ីនធើណេត( Internet Browser) ផ្ទាល់តែម្តង។
ជាដំបូងមិត្តអ្នកអានសូមចូលទៅកាន់ http://www.befunky.com/ រួចចុចលើប៉ូតុង Get Started
ដើម្បីបន្តកិច្ចការ អ្នកត្រូវលើប៉ូតុង Upload ដើម្បីធ្វើការផ្ទុករូបឡើង បន្ទាប់ជ្រើសរើសរួបភាពរបស់អ្នក រួចចុចប៉ូតុង Open ដើម្បីបញ្ចូលរូបចូលគេហទំព័រ Befunky.com
បន្ទាប់មកវានឹងចេញផ្ទាំងមួយវាបង្ហាញចំនុចទាំង៦នៃ Tools ដែលអនុញ្ញាតិឲ្យអ្នកប្រើ៖

ខ្ញុំសូមបង្ហាញតែចំនុចទី ១ ទី ២ និងទី៦ប្រាប់មិត្តទាំងអស់គ្នាតែប៉ុណ្ណោះ ចំពោះចំនុច ៣ផ្សេងសូមអ្នកស្រាវជ្រាវដោយខ្លួនឯង។

ចំនុចទី១៖ ការកែប្រែភាពចាំង(Contrast) និង ភាពភ្លឺ(Brightness)
ដើម្បីចូលទៅកាន់ Tools Brightness and Contrast សូមចុចលើប៉ូតុង Brightness/Contrast។ ដោយរូបនេះរាងងងឹតបន្តិចដូច្នេះ ខ្ញុំត្រូវកែតម្រូវ Brightness 12 និង Contrast 33 ដើម្បីឲ្យវាមានភាពភ្លឺស្អាតជាងមុន រួចចុច Apply ដើម្បីកែប្រែ។*ចំណាំ៖ បើចង់ផ្លាស់ប្តូរចំនុចណាមួយដែលអ្នកចង់ចូល សូមចុចលើប៉ូតុង Create រួចរើសយកចំនុចណាមួយដែលចង់ចូល។
 ចំនុចទី២៖ ការដាក់ Photo Effect
ដោយខ្ញុំចង់ឲ្យរួបនេះ មានសភាពព្រៀលបន្តិចដូច្នេះខ្ញុំត្រូវចុចលើ Feature Effect រួចយក Effect មួយដែលខាងក្រោមគេស្ថិតនៅខាងស្តាំ
រួចខ្ញុំធ្វើការកែតម្រូវលើ Amount និង Blur Amount រួចចុចលើប៉ូតុង Apply ជាការស្រេច។ (ចុចDiscard ប្រសិនជាអ្នកបដិសេដ Effect នេះ)
*ចំណាំ៖ ចំពោះ Effect ខ្លះដែលគេដាក់ថា Premium Effect គឺតម្រូវឲ្យអ្នកចុះឈ្មោះដើម្បីទិញវា បើអ្នកប្រើសេវាឥតគិតថ្លៃ សូមកុំជ្រើសយកវា។

ចំនុចទី៦៖ ការដាក់អក្សរ
មុននឹងបញ្ចប់កិច្ចការរបស់ខ្ញុំនៅលើ befunky.com ខ្ញុំចង់ការអក្សរមួយជួរនៅលើរូបភាពរបស់ខ្ញុំ។ ខ្ញុំត្រូវចុចលើពាក្យ Create -> Add Text វានឹងចេញផ្ទាំងមួយដូចខាងក្រោម ដើម្បីដាក់អក្សរអក្សរខ្ញុំត្រូវចាប់ទាញ Style អក្សរមួយពីប្រអប់ខាងឆ្វេងរូចធ្វើការកែតម្រូវ។

ក្រោយពីបញ្ចប់ការវាយអក្សរ ជាពេលដែលយើងរក្សាកិច្ចការរបស់យើង សូមចុចលើពាក្យថា Save  -> To Computer (សម្រាប់ផ្ទុក់លើ HDD របស់អ្នក) រួចកំណត់ទំហំជ្រើសពាក្យថា Save ជាការស្រេច។
បន្ថែម៖ ចំណែកឯការរក្សាទុកទៅក្នុង Facebook Albums អ្នកគ្រាន់តែជ្រើសយក Save -> To Facebook Album -> ចុចលើប៉ូតុង Connect to Facebook វានឹងធ្វើការភ្ជាប់ទៅគណនី Facebook របស់អ្នកដោយស្វ័យប្រវត្តិ (អ្នកត្រូវតែ Log-in Facebookរបស់អ្នកជាមុនសិន)
 សូមប្រើគំនិតច្នៃប្រឌិតរបស់អ្នកដើម្បីធ្វើការរចនារូបភាពរបស់អ្នក។ ពី happyphotoshop ^^